李太太在左岸，杨小虎在右岸

2009年07月10日
徐濠萦话，被人批评挂住行街 shopping，甚至有个朵叫「蒲街圣母」，一班朋友起哄话要搵番个「蒲街耶稣」，衬番佢。
面对流言，哈哈笑背后，彷佛隐藏着一种修炼。
「依家系咪 Eason话有问题先？」
天字第一号挡箭牌在此，仲唔收声？
阿徐又话，今时唔同往日，女人要留住男人，要内在，更需要外在，凑仔婆都要赶时髦，「 Eason好犯贱，要身边女人又靓又叻，佢话过，如果我系黄面婆，唔会同我一齐。」
掌管陈家经济大权的她，最近被老公投诉，话老婆将所有爱分晒俾个女，呷醋！
得天下若此，做女人，夫复何求？
我羡慕佢，多过千亿新抱。

Profile
徐濠萦 Hilary Tsui
出生日期： 1974年 3月 7日（双鱼座）
出生地：香港
身高： 5呎 4吋
体重： 98磅
语言：广东话、普通话及英语。
简历：中学毕业后，报读秘书课程， 93年被选中为学校拍摄宣传广告，继而被导演 Derek Cheung赏识，邀拍刘德华《谢谢你的爱》 MV，之后签约成为刘旗下艺人。
主要作品：电影《天长地久》（ 93）、《流氓医生》（ 95）、《 4个 32A少女和一个香蕉少年》（ 96）、《特种飞虎》（ 97）；电视剧《男人四十一头家》（ 95）、《鹿鼎记》（ 98）、《刑事侦缉档案 IV》（ 99）、《老冯日记》（ 06）。

做大明星的另一半，预咗孤单。二人 96年拍拖，两口子爱得痴缠，「 E神」明知女友无心恋战，索性叫佢唔再续约 TVB，转行做全职女友。那一年，阿徐 27岁。之后，无论打理屋企、去旅行、约朋友甚至凑女，都是一脚踢；他们快要庆祝相识十三周年了。
「拍拖时，我成日想佢做完嘢快啲返屋企，佢就去搵 friend打机，我瞓到半夜扎醒，发，夺命追魂 call搵佢，佢话：『你成日乱谂嘢，系咪因为冇嘢做？』我谂， Eason叫我唔好做嘢嗰一刻，应该有啲跳掣，讲系一样，遇上唔开心就后悔，大家嘈交，多数为呢啲问题。
「有段时间，我都觉得冇咗自己。
「又试过跟去澳洲墨尔本做骚，佢成日 rehearsal，我咪去行街，点知过晒钟都未返，佢好不满，『墨尔本都有街行？行到我开骚你都未返，出面到底有乜嘢睇呀？』自此之后，除非为个女，否则，我唔再跟佢出埠，费事佢有期望，以为我会坐喺隔篱。
「不过，佢从来冇要求过我要留喺屋企，大家各有空间，我将屋企搞掂就 ok，去玩吓冇问题。外间好多人都觉得我不事生产，你估陈奕迅傻咩？会唔会养住只猪呀？咁多年，成个屋企都系我照顾，有啲男人根本唔钟意理屋企事，佢就系呢种人，宁愿专心投入工作，置装、找卡数、搵人装修、买家俬、换门骹、安灯胆等，我都系一脚踢，我成日觉得好似自己住。
「 Eason钟意叻女仔，但当我学识照顾自己，建立咗生活圈子，有埋个女，又有铺头，轮到佢觉得：『你系咪冇咗我都得？』
「每逢家长聚会，总有人问：『预你哋几多个？』我话：『咪又系两个，你哋几时见过我有第三个？』好似单亲家庭！
「我当然明白佢忙，投诉已变成讲笑。
「依家 Eason每两星期送个女返一次学，其他家长问：『佢可以咁早起身咩？』系未瞓过就真，所以，佢都有 make effort同个女相处。」



阿徐坦言，自己个性本就喜欢照顾别人，友侪间，更有花名「 auntie」、「秘书」等，拍拖周年庆搵地方食饭，问佢；申请 Asia Miles、信用卡详情，问佢；屋企连特区护照申请表都有，帮得人多，却大头虾到连自己的结婚周年都唔记得。不过，撞正女儿康堤生日，即使身在欧洲入货，都不惜仆返港庆祝，大人、细路一样冧。

「外人错觉，以为我好型、好 cool兼成日挂住玩，但熟人知我超级钟意小朋友，当初生 BB系半计划，个天好公平，见我喺演艺圈冇出头天，赐个女俾我，女人人生大事莫过於此，事业有咪有罗！
「 04年个女出世， timing几好。以前佢有佢忙，我有我生活，大家向左走，向右走，如果唔系个女，两个人会一直 keep住有一段距离，系个女将我哋拉番埋一齐。
「个女似我慢热，见到陌生人眼尾都唔睄一下，熟络咗，开行 turbo，就似足 Eason不停嘴。
「我坚持每日接、送返放学，第一手知道佢喺学校嘅生活同埋心情，所以，我每晚 11点要瞓，第二朝 7点起身，成个上午照顾个女，下午至处理自己或铺头嘅事情。我安排所有事，都以唔影响个女为前提，尽量『摄』时间去做其他事，譬如每星期只做一次访问、落铺头三日、半年飞一次等等。

「以前我同 Wyman每个月都周游列国，无啦啦去泰国住 10日，冇嘢做㗎，见闷咪去搵间超级豪华酒店，上去叫人开间房俾我哋睇吓，点解收咁贵罗！又或者巴黎、伦敦住吓，感受一下当地艺术气息。生咗女，唔舍得啊！试过去巴黎 fashion week，撞正个女生日，惟有丢低拍档继续买货，自己返香港。我得一个女咋，唔想令佢唔开心。
「对个女期望好简单，最紧要做个好人，依家我鞭策佢要有礼貌，小朋友会因情绪而影响表现，要每日教、每日讲，冇礼貌唔识得尊重人只顾自己，就算读书几叻都冇用。
「两边老人家每逢星期六、日就抢人，争住带个孙去玩，虽然 Eason哥哥已经有一个仔，但爷爷嫲嫲依然好锡康堤，佢哋不停叫我生多个，暂时唔想咯！可能我系自私，但再生多一个，又要等佢大，到时四十几岁，开展事业太迟，廿几至三十岁我已经过得浑浑噩噩，唔想将依家嘅机会都奉献；况且呢个女令我好满足好开心，只要俾足够爱心、心机，独生仔、女一样可以过得好。」

01年，阿徐曾经跟王菲御用形象指导 Titi Kwan合作搞时装杂志《 Shower》，可惜最后败兴而回，二人几乎反面，她亦坦言，两年冇跟 Titi倾偈。前车可鉴， 8年后，才重拾心情再闯商场，跟 D-mop前买手合夥开时装店 Liger store，转转折折，总算在事业上找到一个归宿。
「庆幸自己幸福，一直唔使搵钱养家。当初『符辘』入行，实情对幕前兴趣系零，冇谂过钻研演技，当时得十几岁，拍第一部戏已经有七万酬劳，狂买衫又唔使问屋企攞钱，几 happy！一直谂：『搵钱之嘛，点解咁辛苦？女主角？唔系吓嘛？』系自己唔争气。
「我唔介意别人认为 Eason养我有问题，反而介意写我买衫系一件错事，依家系咪买到山穷水尽都要买先？我热爱 shopping，唔认为系一件羞耻事，杂志愈写，我愈抗拒，试过掟嘢狂闹：『身边人都冇投诉，你哋做乜追杀我？』大家关系好差，但我谂番转头，自己对佢哋都冇好过。直至个女出世，太冲动会吓亲小朋友，更加唔想佢学我掟嘢闹人，惟有唔再理。
「我一直对时装最有兴趣，但搞杂志太多 partner（ 5个），好多声音，意见太多，易分歧，不过 Titi带俾我好多朋友，亦教我对时装大开眼界，我哋已好番。我同依家拍档识咗八年，佢无论入货、买货、做生意都有经验， taste或做人态度又夹，决定再试，两个人啱啱好，大家都过晒火爆年代喇，会体谅别人。
「我成日同 Eason讲，『你好幸福，一做就做到自己钟意嘅工作，虽然辛苦，但成功所得到嘅，远远超乎所想，包括金钱、名气及别人态度，如果我得，都希望做嘢搵钱嗰个系我。』因为，我钟意靠自己。
「我好独立，由细到大自己解决事情，对屋企人多数报喜不报忧，有麻烦搵朋友帮手。爹哋妈咪成日话我大使，叫我哋储钱，老人家系咁㗎啦，都系锡我哋啫。」

Makeup Artist
「 Hilary本身个样好有 character，单眼皮、面尖、鼻尖，轮廓很分明，今次我想突出个唇妆，特登将佢画成 outline清晰的心形嘴，重啲东方味，再用上桃红或鲜红色的唇膏，便已好 sharp好有型。」
撰文： Jasmine Lui


后记:徐濠萦是一个开心果，一边聊天一边哈哈笑，感染力好强，难怪 Eason爱难舍。
阿徐话难忘的窝心事多不胜数，例如二人往德国度蜜月时，一落飞机骤见狗仔队，佢嬲到想喊， Eason见状，即一个箭步冲去生擒对方，准备郁手，结果打人唔成，却擦伤脚要漏夜入医院缝针兼转酒店，回港后，向老友坦白讲：「见到老婆嬲，好心痛。」当堂冧晒！
但凡花钱行街无所事事等等，万箭穿心，一一指向陈太太，如今小事一则，出自佢把口，各人更加怜惜陈先生，说服力无远弗届。
但试问，若果没有这个徐濠萦的爱花爱买，又焉能体会那个陈奕迅的细心呵护呢？天下无双，咪咁解罗！
-------------------------------------------------------------------

本来想翻译一下，后来觉得唯有原汁原味才体会阿徐聊天时的骄傲和满足。

昨晚洗完头趴在地毯上看的，男人在洗澡，看着看着就自己边笑边在哭。昨晚洗完头趴在地毯上看的，男人在洗澡，看着看着就自己边笑边哭。

羡慕的共鸣的感动。lazy洗澡出来，还以为我干嘛了呢。
本来想翻译一下，后来觉得唯有原汁原味能体会阿徐聊天时那种满足和骄傲吧。
昨晚洗完头趴在地毯上看的，男人在洗澡，看着看着就自己边笑边在哭。
哈哈。羡慕的共鸣的感动。lazy出来的时候，还以为我干嘛呢。

全职太太，能把家里的所有事情，丈夫小孩的事情都处理妥当。
不比职场中的形形色色容易多少，反而是为家人做事，照顾好身边的至亲人。
这样的成就感更是意义重大。当然前提是你先生能养活你，嘿嘿。
一直觉得阿徐系好老婆。
----------------------------------------------------------------------------
昨晚居然因为脂肪层过厚的腹部，大哭了一场。
我怀疑我开始有脂肪心理病，比大学时整整重了10斤。
我开始无法接受自己的体重和身形，某日噩梦梦见自己因为体重自杀。